Savdo nomi:
Bronxipret® TP
Dori shakli:
Plyonka qobiq bilan qoplangan tabletkalar.
Ta’rifi:
Yashil rangli, ikki tomonlama yumaloq shakldagi tabletkalar, yarim mat sirtga ega, plyonka bilan qoplangan.
Farmakoterapevtik guruhi:
O‘simliklardan tayyorlangan balg‘am ko‘chiruvchi vosita.
ATX kodi:
R05CА
Farmakologik ta’siri:
Preparat balg‘am ko‘chiruvchi, yallig‘lanishga qarshi, sekretolitik, bronxolitik ta’sir ko‘rsatadi, balg‘amning yopishqoqligini kamaytirishga va uning evakuatsiyasini tezlashtirishga yordam beradi.
Tarkibi: (1 tabletka uchun)
Faol moddalar:
zubturum ildizi quruq ekstrakti (6,0–7,0:1), (ekstragent: etanol 47,4% hajmiy nisbatda) 60,00 mg, quruq timyan ekstrakti (5,9–10,0:1) (ekstragent: etanol 70% hajmiy nisbatda) 160,00 mg
Yordamchi moddalar:
laktoza monogidrat 50,00 mg, dekstroz sirop 34,00 mg, poli(1-vinil-2-pirolidon) 5,00 mg, poli(1-vinil-2-pirolidon) ochiq halqa bog‘langan shaklda 10,00 mg, kolloid kremniy dioksidi 21,00 mg, mikrokristallik sellyuloza 54,00 mg, magniy stearat 2,00 mg, talk 4,00 mg
Plyonka qoplamasi:
titandioksid 2,00 mg, talk 2,585 mg, xlorofill kukuni 0,20 mg, riboflavin 0,20 mg, propilenglikol 1,363 mg, gipromelloza 9,834 mg, metilmetakrilat va etilakrilat kopolimeri 2:1, 800 000 5,76 mg
dimetikon 0,058 mg, yalpiz ta’m beruvchi 1,00 mg, natriy saxarinat 0,10 mg
Qo‘llanilishi:
Yo‘tal va balg‘am hosil bo‘lishi bilan kechadigan o‘tkir va surunkali nafas yo‘llari yallig‘lanish kasalliklarini (traxeit, traxeobronxit, bronxit) davolashda balg‘am ko‘chiruvchi vosita sifatida.
Qo‘llash mumkin bo‘lmagan holatlar:
Preparat komponentlariga (shu jumladan, oddiy zubturum va timyanga, shuningdek, oddiy zubturum turkumidagi va/yoki labguldoshlar oilasidagi boshqa o‘simliklarga) yuqori sezuvchanlik; me’da-ichak trakti kasalliklari (zo‘rayish bosqichida); laktozani o‘zlashtira olmaslik, laktaza tanqisligi, glyukoza-galaktoza malabsorbtsiyasi (preparat tarkibida laktoza monogidrati va dekstroza siropi mavjudligi sababli), klinik ma’lumotlar yo‘qligi sababli 12 yoshgacha bo‘lgan bolalar.
Homiladorlik va emizish davrida qo‘llanilishi:
Homiladorlik va emizish davrida qo‘llash mumkin emas.
Qo‘llash usuli va dozalari:
Og‘iz orqali, kattalar va 12 yoshdan oshgan bolalarga 1 tabletkadan kuniga 3 marta ovqatdan oldin. Tabletkalarni chaynamasdan, oz miqdordagi suv bilan yutish kerak. O‘rtacha davolash kursi – 10-14 kun. Davolash davomiyligini oshirish va takroriy kurslarni o‘tkazish faqat shifokor tavsiyasi bilan mumkin.
Nojo‘ya ta’sirlari:
Preparatning tarkibiy qismlariga yuqori sezuvchanlik bilan bog‘liq allergik reaksiyalar, masalan, nafas qisilishi, teri toshmasi, eshakemi (krapivnitsa), yuz, og‘iz bo‘shlig‘i va/yoki tomoq shishi. Allergik reaksiyaning birinchi belgilari paydo bo‘lganda, preparatni qabul qilishni to‘xtatish va shifokor bilan maslahatlashish kerak. Oshqozon-ichak trakti tomonidan: kam hollarda ko‘ngil aynishi, qusish, diareya, spastik og‘riqlar.
Dozani oshirib yuborish:
Dozani oshirib yuborish holatlarida oshqozon sohasida og‘riq, qusish, diareya kuzatilishi mumkin. Dozani oshirib yuborish holatlarida simptomatik davolash o‘tkazish zarur.
Boshqa dori vositalari bilan o‘zaro ta’siri
Bronxipret® TP tabletkalarini yo‘talga qarshi preparatlar, shuningdek balg‘am hosil bo‘lishini kamaytiradigan dori vositalari bilan bir vaqtda qo‘llash tavsiya etilmaydi, chunki bu suyultirilgan balg‘amning chiqarilishini qiyinlashtiradi. Antibakterial dori vositalari bilan birgalikda qo‘llash mumkin.
Maxsus ko‘rsatmalar:
Agar preparatni qo‘llagan holda kasallik belgilari 7 kun davomida saqlanib qolsa yoki bemorning ahvoli yomonlashsa, shifokor bilan maslahatlashish kerak. Preparatni qandli diabet bilan og‘rigan bemorlarga buyurish mumkin, chunki plyonka qobiq bilan qoplangan bitta tabletka 0,03 dan kam hisoblangan «non birliklari»ni o‘z ichiga oladi.
Transport vositalarini va mexanizmlarni boshqarish qobiliyatiga ta’siri.
Tavsiya etilgan dozalarda qo‘llanilganda preparat transport vositalarini va mexanizmlarni boshqarish qobiliyatiga ta’sir qilmaydi.
Chiqarilish shakli:
Plyonka qobiq bilan qoplangan tabletkalar. 20 yoki 25 tabletkadan alyuminiy folga (pastki qism) va polivinilxlorid/polivinilidenxlorid plyonkasidan (yuqori qism) yasalgan blisterda. 1 (20 tabletkadan), 2 (25 tabletkadan), 4 (25 tabletkadan) yoki 5 (20 tabletkadan) blisterdan qo‘llash bo‘yicha yo‘riqnoma bilan birga yig‘ma karton qutiga joylanadi.
Saqlash shartlari:
Quruq, yorug‘likdan himoyalangan joyda, 25 °C dan yuqori bo‘lmagan haroratda. Bolalar qo‘li yetmaydigan joyda saqlang.
Yaroqlilik muddati: 3 yil.
Qadoqda ko‘rsatilgan yaroqlilik muddati o‘tgandan keyin ishlatmang.
Dorixonalardan berish shartlari:
Retseptsiz.
Dori vositasining nomi, ishlab chiqaruvchining manzili va ishlab chiqarish joyining manzili:
Ishlab chiqaruvchi: Bionorika SE, Kershenshtaynershtrasse 11-15, 92318, Noymarkt, Germaniya
Ro‘yxatga olish guvohnomasining egasi:
Bionorika SE, Kershenshtaynershtrasse 11-15, 92318, Noymarkt, Germaniya
Tayyor dori shaklini ishlab chiqarish:
Rottendorf Farma GmbH, Ostenfelder Strasse 51-61, 59320 Ennigerlo, Germaniya
Qadoqlash/O‘rash:
Bionorika SE, Kershenshtaynershtrasse 11-15, 92318, Noymarkt, Germaniya
Chiqaruvchi nazorat:
Bionorika SE, Kershenshtaynershtrasse 11-15, 92318, Noymarkt, Germaniya
O‘zbekiston Respublikasi hududida mahsulot (tovar) sifati bo‘yicha iste’molchilarning da’volarini qabul qiluvchi tashkilotning manzili
«Bionorika» Mas’uliyati cheklangan jamiyati
O‘zbekiston Respublikasi, 100170, Toshkent sh., Mirzo Ulug‘bek tumani, Sayram ko‘ch., 9.
Tel.: 998 71 2676211 (17); Faks: 998 71 2676213;
E-mail: office@bionorica.uz